دموع الأحزان
11-03-2006, 12:17 PM
ثرثرة بالعامية المصرية..
إيهِ الغُلبِ ده يا رب..الواحد فينا من الشغل للبيت ومن البيت للشغل..جريِ جريِ جري لمّا البني آدم اتقطع نفَسو ومش قادر يلحق..
كلّ الأيام زيّ بعضيها..
خميس على سبت على حدّ على جمعة..
كلو زي بعضو..إشتراكيّة إنما إيه..حاجة فُلّلي زي الصين كده..الناس كلهم شبه بعضيهم..زي الميّه ..إنما ميّه من غير بََرَكة..ميّه..بسِّ بتعطّش..
ايــــــــــــــــــــــــــــــــــــــــــه..دني ا..بس ماشية..بينا ومن غيرنا..ماشية..
رضينا زعلنا..برضو ماشية..
طب وآخرتها؟
زيّ أوّلها..
امبارح رجعت من الشغل اتخمدّت على طول..زي الطوبة..زي كلِّ يوم..وصحيت نصّ الليل لقيت نفسي مع نفسي كده وحدينا..حاجة مملّة..حدِّ يقعد مع نفسو؟
ما بدّهاش..قلتِ أخشِ عالنت اشوف بيحصل ايه في الدنيا..ولا اروح اشوفلي حدّ اتخانق معاه ولا أي حاجة بدل القرف اللي أنا فيه ده..
دخلتِ عالسايت بتاعنا ولسه..يادوبك بقول يا فتّاح يا عليم يا رزاق يا كريم..يا صباح الخير بالليل..ولاّ البتاعة نطّت في وِشّي! آه والله..من غير ما اعمل أيّتها حاجة..ده أنا بس قلتِ بسم الله ولا هي بتقولي (عندك جواب مسوكر)
يااااااااااااااااااااااااااااااااااااااااااااااااا اااااااااااااااااااااااااااااااااااااه
رسالة خاصة؟
ليّه أنا؟
معقولة؟
والله وصبرتِ ونُلتِ يا لَهْ يا مؤمن..طاقة السعدِ اتفتحلتك أهِيه وأخيراً في حدّ لاحظ انك موجود..
انك عايش يعني ومش طوبة زيّ ما كنتِ فاكر.
بس مين ده اللي باعتلي جواب..وخاص كمان؟
ممكن..يعني..ممكن تكون وحدة ستّ؟ آه..ومش ممكن ليه؟
ليه يعني ما تكونشِ وحدة ستِّ؟ هوّه أنا ناقصني ايه؟
طيب عِنداً فيني بقه..أكيد الرسالة من وحدة ست..لأ ومش أي ستّ..ده أكيد وحدة ودايبة في دباديبي..وزيّ ليلى جتْ لحدّ عندي عشان تبثّني لواعجَ الغرام..وتشكو ليَ الأيّام..
يااااااااااااااااااااااااه..أخيراً ..أخيراً..في ستّ فاهمة بتقدّر المواهب..مش زي ستّات اليومين دول
طبعاً قبل ما أفتح الرسالة قمتِ وسرّحت الشعرتين الفاضلينلي من الدنيا وشفطت الكرش جوه ولبست اللي عالحبل..القميص الفوشيا وبنطلون الجنز..
ولو انو البنطلون زنقني حبّتين..بس أحسن أهو يلمّ الكرشِ شوية عن العين..
ونزلتِ الجنينة جبتِ شوية ورد لزوم المناسبة و باتنين جنيه لب وقرطاس ترمس..أهوه الواحد يحبّ ويتسلى في آنٍ معاً..
ده أنا حتى قبل ماافتح الرسالة قمتِ قالع النضارة كعب كباية بتاعتي وراكنها بعيد..من مبدأ أنا لا أكذب بل أتجمل (الله يرحمك يا أحمد زكي) يعني الواحد برضو يظهر بأفضل ما عندو..واذا ما عندوش يستلف..ولا إيه؟
وقمتِ دايس عالزرار وأنا كلي أملٌ وتيقظٌ وترقب..واتفتحت الرسالة..
هوّه الأخ المراقب العام يطلع مين ولا مؤاخذة؟ وشايل شومة ليه؟ وباعتلي رسالة عشان ايه؟ هوّه انا ناقصك يا جدع انته؟ حاجة تفوّر الدم صحيح..
اعمل ايه برسالة حضرتك دلوقتي؟ بلاش الرسالة..
اعمل ايه بأحلامي المحطمة وقلبي الملوّع؟
ولا قلّك..مش عاوز أي حاجة من دول..انساهم..
انا عايز الاتنين جنيه بتوعي..
محبتي..
اتمنى اتنول أعجابكم
إيهِ الغُلبِ ده يا رب..الواحد فينا من الشغل للبيت ومن البيت للشغل..جريِ جريِ جري لمّا البني آدم اتقطع نفَسو ومش قادر يلحق..
كلّ الأيام زيّ بعضيها..
خميس على سبت على حدّ على جمعة..
كلو زي بعضو..إشتراكيّة إنما إيه..حاجة فُلّلي زي الصين كده..الناس كلهم شبه بعضيهم..زي الميّه ..إنما ميّه من غير بََرَكة..ميّه..بسِّ بتعطّش..
ايــــــــــــــــــــــــــــــــــــــــــه..دني ا..بس ماشية..بينا ومن غيرنا..ماشية..
رضينا زعلنا..برضو ماشية..
طب وآخرتها؟
زيّ أوّلها..
امبارح رجعت من الشغل اتخمدّت على طول..زي الطوبة..زي كلِّ يوم..وصحيت نصّ الليل لقيت نفسي مع نفسي كده وحدينا..حاجة مملّة..حدِّ يقعد مع نفسو؟
ما بدّهاش..قلتِ أخشِ عالنت اشوف بيحصل ايه في الدنيا..ولا اروح اشوفلي حدّ اتخانق معاه ولا أي حاجة بدل القرف اللي أنا فيه ده..
دخلتِ عالسايت بتاعنا ولسه..يادوبك بقول يا فتّاح يا عليم يا رزاق يا كريم..يا صباح الخير بالليل..ولاّ البتاعة نطّت في وِشّي! آه والله..من غير ما اعمل أيّتها حاجة..ده أنا بس قلتِ بسم الله ولا هي بتقولي (عندك جواب مسوكر)
يااااااااااااااااااااااااااااااااااااااااااااااااا اااااااااااااااااااااااااااااااااااااه
رسالة خاصة؟
ليّه أنا؟
معقولة؟
والله وصبرتِ ونُلتِ يا لَهْ يا مؤمن..طاقة السعدِ اتفتحلتك أهِيه وأخيراً في حدّ لاحظ انك موجود..
انك عايش يعني ومش طوبة زيّ ما كنتِ فاكر.
بس مين ده اللي باعتلي جواب..وخاص كمان؟
ممكن..يعني..ممكن تكون وحدة ستّ؟ آه..ومش ممكن ليه؟
ليه يعني ما تكونشِ وحدة ستِّ؟ هوّه أنا ناقصني ايه؟
طيب عِنداً فيني بقه..أكيد الرسالة من وحدة ست..لأ ومش أي ستّ..ده أكيد وحدة ودايبة في دباديبي..وزيّ ليلى جتْ لحدّ عندي عشان تبثّني لواعجَ الغرام..وتشكو ليَ الأيّام..
يااااااااااااااااااااااااه..أخيراً ..أخيراً..في ستّ فاهمة بتقدّر المواهب..مش زي ستّات اليومين دول
طبعاً قبل ما أفتح الرسالة قمتِ وسرّحت الشعرتين الفاضلينلي من الدنيا وشفطت الكرش جوه ولبست اللي عالحبل..القميص الفوشيا وبنطلون الجنز..
ولو انو البنطلون زنقني حبّتين..بس أحسن أهو يلمّ الكرشِ شوية عن العين..
ونزلتِ الجنينة جبتِ شوية ورد لزوم المناسبة و باتنين جنيه لب وقرطاس ترمس..أهوه الواحد يحبّ ويتسلى في آنٍ معاً..
ده أنا حتى قبل ماافتح الرسالة قمتِ قالع النضارة كعب كباية بتاعتي وراكنها بعيد..من مبدأ أنا لا أكذب بل أتجمل (الله يرحمك يا أحمد زكي) يعني الواحد برضو يظهر بأفضل ما عندو..واذا ما عندوش يستلف..ولا إيه؟
وقمتِ دايس عالزرار وأنا كلي أملٌ وتيقظٌ وترقب..واتفتحت الرسالة..
هوّه الأخ المراقب العام يطلع مين ولا مؤاخذة؟ وشايل شومة ليه؟ وباعتلي رسالة عشان ايه؟ هوّه انا ناقصك يا جدع انته؟ حاجة تفوّر الدم صحيح..
اعمل ايه برسالة حضرتك دلوقتي؟ بلاش الرسالة..
اعمل ايه بأحلامي المحطمة وقلبي الملوّع؟
ولا قلّك..مش عاوز أي حاجة من دول..انساهم..
انا عايز الاتنين جنيه بتوعي..
محبتي..
اتمنى اتنول أعجابكم